திண்டுக்கல் – ஆகஸ்ட் 20

தமிழ் மொழி மற்றும் வாசிப்பை ஊக்குவிக்கும் நோக்கில், “திண்டுக்கல் வாசிக்கிறது” எனும் சிறப்பு நிகழ்வு இன்று திண்டுக்கல் முழுவதும் சிறப்பாக நடைபெற்றது.

இந்த நிகழ்வில் பல்வேறு கல்லூரி மாணவ–மாணவிகள், குறிப்பாக அரசு மருத்துவக் கல்லூரி, திண்டுக்கல் மாணவர்கள் உற்சாகமாக கலந்து கொண்டனர். மாணவர்கள் சங்க இலக்கியம் முதல் நவீன படைப்புகள் வரை பல்வேறு தமிழ் நூல்களை வாசித்து, மொழியின் அழகையும் செழுமையையும் பகிர்ந்து கொண்டனர்.

திருக்குறள், சிலப்பதிகாரம், மணிமேகலை, புறநானூறு, அகநானூறு போன்ற பாரம்பரிய படைப்புகள் மட்டுமல்லாமல், பாரதியார் கவிதைகள், புதுமைப்பித்தன் கதைகள், சு.ரா., ஜெயகாந்தன் போன்ற நவீன எழுத்தாளர்களின் படைப்புகளும் வாசிக்கப்பட்டன.

இந்த “திண்டுக்கல் வாசிக்கிறது” நிகழ்வு, மாணவர்களில் வாசிப்பு பழக்கத்தை ஊக்குவிப்பதோடு மட்டுமல்லாது, தமிழ் இலக்கியத்தின் செழுமையும் பண்பாட்டு பெருமையும் சமூகத்தில் பரவியுள்ளதை வலியுறுத்தும் விதமாக அமைந்தது.